نۇرلاننىڭ بلوگى

         قازىرگى قىتاي حالىقنىڭ ۇلت اتاۋى رەتىندە جەتكەن سوزدەردەن بىلەتىنىمىز:
        1. حۋا - حۋا ەجەلگى حۋاشيا دەيتىن ەتينكالىق بىرلەستىك اتاۋىنان كەلگەن  ، بۇنداعى حۋاشيا ءسوزى  حۋا (داڭىقتى) + شيا (شيا پاتشالىعىنىڭ حالىقى) دەگەن سوزدەردەن كەلىپ شىققان دەيدى ءوز دەرەكتەرى ، مىنە بۇل نەگىزىنەن ەجەلگى زامانداعى ورتا جازىق تۇرعىندارىن مەڭىزەيدى. ال بۇل اتاۋدى قازىر قىتايلار وزىندىك اتاۋى رەتىندە ءتىپتى ءىرى قىتايشىلدىق يدەيامەن بىرگە قولدانىپ ءجۇر.
        2.چين - بۇل نەگىزىنەن جاۋلاسقان بەكتىكتەر ءداۋىرى اقىرلاسقاننان كەيىن قۇرىلعان چين پاتشالىعى تەريتورياسى اۋماعىندا جاساعان حالىقتاردىڭ ورتاق اتاۋى رەتىندە قالىپتاسقان ءارى چين پاتشالىعىنىڭ بەكەمدەلۋىن قازىرگى قىتاي حالىقنىڭ ءبىر تۇتاس ۇلت بولىپ قالىپتاسقان كەزى دەپ تۇسىنۋگە بولادى ، پاتشالىقتىڭ تەريتورياسى قازىرگى اتى-زاتىنا ساي قىتاي جەرى. قازىر تۇركيانى قامتىعان كوپتەگەن ەلدەر قىتايدى ءالى دە چين دەپ اتايدى ، كەيدە اعىلشىنداردىڭ تىلىندەگى چاينا اتاۋى دا وسى چين سوزىنەن كەلىپ شىققان بولۋى مۇمكىن دەپ ويلايمىن.

        3.حان- جازبا دەرەكتەر حان اتاۋىن ءبىزدىڭ زامانىمىز باستالۋىنىڭ الدى ارتىنداعى حان پاتشالىعى كەزىندە قالىپتاسقان ءارى ازىرگى ءوزىمىز ايتىپ جۇرگەن حانزۋلاردى ياعىني ەتنيكالىق قىتايلاردى مەڭىزەيتىن ۇلت اتاۋى رەتىندە كورسەتەدى ، قازىر قىتايلار ونى وزدەرىنىڭ ۇلت اتاۋى قولدانادى.
        ال قىتاي دەگەن اتاۋ قىتايلاردىڭ ءوز اتاۋى ەمەس ەكەنى بەلگىلى سوندىقتان امال بار جوعارىدا ايتىلعان ءۇش اتاۋدىڭ بىرەۋىن وسى حالىقتىڭ ۇلت اتى رەتىندە قولدانساق دۇرىس بولاتىن سەكىلدى ، مەنشە قازىرگى كەزدە ورستان باسقا كوپتەگەن حالىقتار قولدانىپ جۇرگەن چين (ءچىن نەمەسە ءچان ) اتاۋىن وسى حالىقتىڭ اتى رەتىندە اتاساق ۇلت اتىنىڭ دۇرىس اتالۋى ءارى تاريحقا بولعان قۇرمەت بولار ەدى دەپ ويلايمىن.